Сайта кӗр | Регистраци | Сайта кӗрсен унпа туллин усӑ курма пулӗ
 +24.3 °C
Шӑтӑк шӑрҫа ҫӗрте выртмасть.
[ваттисен сӑмахӗ]
 

Хыпарсем: Вӑрмар районӗ

Ял пурнӑҫӗ
cap.ru сӑнӳкерчӗкӗ
cap.ru сӑнӳкерчӗкӗ

Паян Вӑрмар районӗнчи Ямпай ялӗнче ҫӗнӗ культура ҫурчӗ уҫӑлнӑ. Ӑна "Клуб йышши муниципалитет учрежденийӗсен строительстви тата модернизацийӗ" республикӑри ҫумпрограмма пулӑшнипе хута янӑ.

"Халӗ ку тата ҫывӑхри ялсенче пурӑнакансен пултарулӑхне аталантарма май пулӗ. Кунта условисем хальхи пурнӑҫпа килӗшсе тӑраҫҫӗ, аппаратура лайӑх, зал хӑтлӑ. Вӑхӑта туслӑ, усӑллӑ ирттерме пулать", - тенӗ ЧР Элтеперӗ Олег Николаев.

Хыпар ҫӑлкуҫӗ: https://t.me/oanikolaev
 

Республикӑра
alki-rt.ru сайтри сӑн
alki-rt.ru сайтри сӑн

Вӑрмар районӗнчи 45 ҫулти арҫын кӑҫал пуш уйӑхӗнче тӗнче тетелӗнче брокер платформи ҫинче укҫа ӗҫлесе илме май пурри пирки вуласа пӗлнӗ. Хайхискер кредитсем илнӗ те инвестицисемпе ӗҫлеме тытӑннӑ.

Арҫын счет ҫине пӗтӗмпе 2 миллион та 220 пин тенкӗ хунӑ. Анчах кайран пӗр пусне те каялла тавӑрайман. Ултавҫӑсен аллине лекнине ӑнлансан вӑл полицие пулӑшу ыйтма пынӑ.

Халӗ ку тӗслӗх тӗлӗшпе пуҫиле ӗҫ пуҫарасси пирки шутлаҫҫӗ.

 

Пӑтӑрмахсем
wikimapia.org сайтри сӑн
wikimapia.org сайтри сӑн

Вӑрмар районӗнӗнче шкул ачи пуйӑс айне лекнӗ. Мӗнле майпа? ЧР Вӗренӳ министерстви ҫакна уҫӑмлатман.

Ведомство ҫапла кӑна палӑртнӑ: "Ҫуркунне ачасемшӗн тата ҫамрӑксемшӗн яланах йывӑр тапхӑр. Уйрӑмах - экзаменсем пуҫлансан. Ҫак вӑхӑтра ашшӗ-амӑшӗн ачин психологине, кӑмӑл-туйӑмне лайӑх сӑнаса тӑмалла, кӑмӑлӗ улшӑннине пӑхмалла".

Ведомство ку инкек ҫывӑх ҫыннисен, тӑванӗсен, пӗр класра вӗренекенсен трагедийӗ пулнине палӑртса вӗсене пурне те психологи пулӑшӑвӗ парассине каланӑ.

Хыпар ҫӑлкуҫӗ: https://t.me/minobr21
 

Республикӑра
moshenik.ru сайтри сӑн
moshenik.ru сайтри сӑн

Вӑрмар районӗнчи ҫамрӑк фермера шӑнман пӑр ҫине лартса хӑварнӑ ултавҫӑсене тытса чарнӑ. Вӗсем - Ҫыр Чаллӑри икӗ арҫын. Хайхскерсем ытти регионти ҫынсене те улталанӑ.

Акӑ мӗн пулса иртнӗ: кӑҫал нарӑс уйӑхӗнче 26 ҫулти фермер тӗнче тетелӗнчи пӗлтерӳ урлӑ удобрени туянас тенӗ. Вӑл сутуҫа 440 пин тенкӗ куҫарса панӑ. Лешӗ кун хыҫҫӑн ҫыхӑнӑва тухма пӑрахнӑ. Фермер укҫасӑр та, удобренисӗр те тӑрса юлнӑ.

Ҫыр Чаллӑри 25-ри тата 26 ҫулти арҫынсем тӗлӗшпе пуҫиле ӗҫ пуҫарнӑ.

 

Пӑтӑрмахсем
Инкеклӗ лару-тӑру министерстви архивӗнчи сӑн
Инкеклӗ лару-тӑру министерстви архивӗнчи сӑн

Ҫуркунне ҫитрӗ те типӗ курӑк ҫунтарас сезон пуҫланчӗ темелле. Иртнӗ талӑкра пушарнӑйсем 4 вырӑна ҫитсе ҫунакан типӗ курӑка сӳнтернӗ.

Шупашкар районӗнчи Янашкасси ялӗнче 50 гектара яхӑн ҫӗр ҫинче типӗ курӑк ҫуннӑ. Ҫавӑн пекех Ҫӗрпӳ, Вӑрмар, Пӑрачкав районӗсенче типӗ курӑка сӳнтерме тивнӗ.

Аса илтерер: нумаях пулмасть Канаш районӗнчи Ачча ялӗнчи арҫын ҫӳп-ҫап ҫунтарса килсӗр-ҫуртсӑр, хуралтӑсӑр тӑрса юлнӑ.

 

Ял пурнӑҫӗ
t.me/Chuv_today сӑнӳкерчӗкӗ
t.me/Chuv_today сӑнӳкерчӗкӗ

Вӑрмар районӗнче пурӑнакан пӗр арҫын хӑй аллипе трактор ӑсталанӑ.

Пысӑк Енкассинчи Анатолий Васильев ылтӑн алӑллӑ. Вӑл пӗрремӗш трактора ултӑ ҫул каяллах пухса хатӗрленӗ. Ӑна ун чухне МАСО ят панӑ. Ку вӑл мӑшӑрӗн, хӑйӗн тата ачисен ячӗсенчи пуҫламӑш саспаллисенчен тӑрать.

Нумаях пулмасть ӑста трактора ҫӗнетнӗ.

«Шутран кӑларнӑ кивӗ «Ока» машина туянтӑм. Килте «Волга» автомобилӗн хӑш-пӗр саппас пайӗ пурччӗ, ҫӗнӗрен кивӗ ытти деталь илтӗм. Йӑлтах сӳтсе ҫӑмхаларӑм, тасатрӑм, тӗпрен юсарӑм…», — каласа кӑтартнӑ арҫын.

Ял ҫыннине трактор питех те кирлӗ: сухалама тӑрсан та, акана тухсан та, культивацилеме те, юр тасатма та...

Хыпар ҫӑлкуҫӗ: https://t.me/Chuv_today/8032
 

Ҫул-йӗр

Вӑрмар районӗнчи Мӑнҫырмаран Тикаша каякан ҫул йӑлтӑртатса кӑна выртать. Ҫынсем унта конькипе те ярӑнма тухнӑ. Ҫакна ӳкернӗ видеона тӗнче тетелне вырнаҫтарнӑ.

Ку ҫула «Инвест-Строй» пӑхса тӑрать. Чӑвашупрдор директорӗ комментари панӑ: ГОСТпа килӗшӳллӗн, транспорт сахал ҫӳрекен ҫул ҫинче юр пулма пултарать. Анчах видеона пӑхсан унта юр мар, пӑр пулни курӑнать.

Транспорт министерстви вырӑнти тӳре-шарана ҫулсене тивӗҫлӗ пӑхса тӑма чӗнсе каланӑ: «Лару-тӑрӑва тишкерме тата хаклама хӑйсен тӑтӑшах тухса ҫӳремелле».

 

Персона
Ангелина Павловская. Вера Воронова халӑх тетелӗнче вырнаҫтарнӑ сӑнӳкерчӗк
Ангелина Павловская. Вера Воронова халӑх тетелӗнче вырнаҫтарнӑ сӑнӳкерчӗк

Ӗнер, кӑрлач уйӑхӗн 31-мӗшенче, хальхи вӑхӑтри паллӑ чӑваш прозаикӗн Ангелина Павловскаян ҫуралнӑ кунӗ пулнӑ.

Вӑл 1939 ҫулхи Вӑрмар районӗнчи Пӗчӗк Енккассинче ҫуралнӑ. Ҫӗрпӳри библиотекарьсем хатӗрлекен техникумра, Шупашкарти педагогика институтӗнче вӗреннӗ. Чылай ҫул шкул ачисене вырӑс чӗлхипе литературине вӗрентнӗ.

Авторӑн «Ярӑм-ярӑм явӑнать тӗтре» повеҫӗ 1983 ҫулта «Ялав» журналта пичетленсе тухнӑ. 2010 ҫулта унӑн «Саланнӑ кӗлте», 2011 ҫулта «Сапаскар хӗрӗ» кӗнекисем кун ҫути курнӑ. 2013 ҫулта вулакансем ҫыравҫӑн «Вӗрене шывӗ те пылак» романӑн 1-мӗш кӗнекипе паллашнӑ, 2014 ҫулта «Вӗрене шывӗ те пылак» романӑн 2-мӗш кӗнеки кун курнӑ.

Хыпар ҫӑлкуҫӗ: https://vk.com/wall37671844_3850
 

Республикӑра
t.me/chuv_prok сӑнӳкерчӗкӗ
t.me/chuv_prok сӑнӳкерчӗкӗ

​​Вӑрмар районӗнче пурӑнакан 92 ҫулти кинемей Тӑван ҫӗршывӑн аслӑ вӑрҫин ветеранӗ ята халӗ тин тивӗҫнӗ. Ҫав ятшӑн карчӑкӑн суд тӑрӑх ҫӳреме тивнӗ.

Суд тӑрӑх хӑй ҫӳремен-ха – прокуратура хӳтте кӗнӗ.

Вырӑнти социаллӑ хӳтлӗх пайӗнче кинемее Тӑван ҫӗршывӑн аслӑ вӑрҫин ветеранӗ ята ҫирӗплетсе пыракан удостоверение пама килӗшмен. Тӳре-шара ҫирӗплетнӗ тӑрӑх, кинемей вӑрҫӑ ҫулӗсенче тылра ӗҫленине ӗнентерсе парайман.

Кинемее хӳтӗлесе прокуратура суда ҫитнӗ. Унта карчӑк вӑрҫӑ ҫулӗсенче кӗрӗк арки йӑваласа ларманнине, колхозра тар тӑкнине ӗнентерсе пама килнӗ.

Хыпар ҫӑлкуҫӗ: https://t.me/chuv_prok/1049
 

Республикӑра
digital.cap.ru сӑнӳкерчӗкӗ
digital.cap.ru сӑнӳкерчӗкӗ

Чӑваш Енӗн Цифра аталанӑвӗн, информаци политикин тата массӑллӑ коммуникацисен министерстви пӗлтернӗ тӑрӑх, «МТС» компани Патӑрьел районӗнчи темиҫе ялта (Сӑкӑтра, Ҫӗнӗ Ахпӳртре, Тӑрӑнта, Куславккара, Кивӗ Ахпӳртре, Пӑлакассинче, Кӗҫӗн Патӑрьелте) пысӑк хӑвӑртлӑхлӑ (ҫеккунтра — 100 Мбит) интернет ӗҫлеттерсе янӑ.

Министерство хыпарӗнче Сӑкӑт ялӗ чӑваш халӑх писателӗ, поэт тата драматург Юхма Мишши ҫуралнипе паллӑ тесе асӑнса хӑварнӑ.

Маларах МТС Муркаш тата Вӑрмар муниципалитет округӗсенче хӑйӗн сетьне ҫӗнетнӗ.

 

Страницӑсем: 1, 2, 3, 4, 5, [6], 7, 8, 9, 10, 11, 12, 13, 14, 15, 16, ... 55
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (10.07.2025 15:00) уяр ҫанталӑк, атмосфера пусӑмӗ 752 - 754 мм, 30 - 32 градус ӑшӑ пулӗ, ҫил 3-5 м/ҫ хӑвӑртлӑхпа кӑнтӑр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере ертӳлӗхпе калаҫу ӑнӑҫлӑ сыпӑнӑ. Ҫавна май карьера картлашкипе хӑпарма пултаратӑр е шалу ӳсӗ. Официаллӑ учрежденисенчен пулӑшу ыйтма ӑнӑҫлӑ эрне. Коллективра ӗҫтешсемпе ӑнланманлӑх, хирӗҫӳ сиксе тухнӑ тӑк халӗ шӑпах уҫӑ калаҫу йӗркелеме, ыйтусене мирлӗ татса пама лайӑх вӑхӑт.

Утӑ, 10

1928
97
Айзман Станислав Николаевич, актёр тата режиссёр ҫуралнӑ.
1961
64
Медведев Геннадий Павлович, Чӑваш Республикин тава тивӗҫлӗ артисчӗ ҫуралнӑ.
1968
57
Коновалов Николай Дмитриевич, чӑваш журналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуть те кам тухсан та
ӑсатма тухни — ҫылӑх, юрамасть
кил-йышри арҫын
хуҫа арӑмӗ
хӑнана ӑсатма никам та тухмасть
хуҫа хӑй
хуҫа тарҫи
пӗтӗм кил-йышпа тухаҫҫӗ
хуҫин ҫитӗннӗ ачисем
хӑни ҫулне ахаль те пӗлет, ӑсатмасӑр та